"MALİYYƏ SAVADLILIĞI" üzrə təlim kursu

"MALİYYƏ SAVADLILIĞI" üzrə təlİm kursu

Bu tədris kursu hər kəsin malik olduğu şəxsi pul vəsaitinə və maliyyə savadlılığına həsr olunub, lakin onları düzgün şəkildə idarə etməyi hamı bacarmır.

Əgər siz maaşdan-maaşa yaşayırsınızsa və pulunuzun daima hara getdiyini anlamırsınızsa, bu kurs sizin üçündür. Əgər artıq Siz büdcəniz haqqında düşünməyə başlamısınızsa və hər şeyi düzgün etdiyinizə əmin olmaq istəyirsinizsə, o zaman bu kurs sizə yenə də faydalı olacaq: burada xeyli faydalı məsləhətlər və sadə, lakin effektli lifehack-lar var.

Nə üçün maliyyə cəhətdən savadlı olmaq lazımdır?

pulunuzu nəzarət altına almaq
gəlir və xərclərinizi, aktiv və passivlərinizi optimallaşdırmaq
xərcləri azaltmaq, pula qənaət etmək və pul toplamaq
şəxsi maliyyə məqsədlərini müəyyənləşdirmək
şəxsi maliyyə planınızı hesablamaq
maliyyəni planlaşdırarkən səhvlərin olma ehtimalını minimuma endirmək
şəxsi və ailə büdcələrini təşkil etmək və idarə etmək

Kurs zamanı siz aşağıdakıları öyrənəcəksiniz:

şəxsi maliyyə uçotunu aparmaq
gəlirlərə nəzarət etmək, xərcləri optimallaşdırmaq və pul toplamaq
şəxsi aktivləri və passivləri düzgün hesablamaq
maliyyə məqsədləri qoymaq və onlara nail olmaq
kreditlərdən düzgün istifadə etmək və lazımsız borclardan qurtulmaq
şəxsi büdcənizi effektli şəkildə planlaşdırmaq

Kurs 10 tematik dərsdən ibarətdir, hər bir dərsin müddəti təxminən 60 dəqiqə təşkil edir. Hər dərsdə həm nəzəri, həm də praktik hissələrə vaxt ayrılır. Kursun müəyyən mövzuları üzrə ev tapşırıqları veriləcək. Kursun formatı birləşdirilmişdir, dərslərin həm əyani, həm də distant şəkildə keçirilməsi mümkündür.

Kurs ərzində real həyat nümunələri əsasında şəxsi maliyyəyə necə nəzərət etməyi göstərməklə yanaşı, həm də sizin və yaxınlarınızın gələcəyinin asılı olduğu bu bacarığın nə qədər həyati əhəmiyyət daşıdığını sübut edəcəyik. Kurs zamanı əldə edəcəyiniz bütün bilik və bacarıqlar həyatınız boyu sizin üçün çox faydalı olacaq.

Yaxşı, vaxt itirmədən başlayaq!